影片
更多
2024-12-25
0 浏览
最近喺西贡试咗一间高质海鲜餐厅，餐厅环境非常舒适，无论系室内房间定户外座位，都十分适合一大班人聚会。户外座位仲有靓靓灯饰，气氛非常chill。海鲜即捞即煮，非常新鲜。首先拣咗凉拌蛏子皇！蛏子通常清蒸或者爆炒，但餐厅独创咗呢款凉拌做法，真系令人惊喜。蛏子灼熟后保持鲜甜嫩滑，配埋特制嘅凉拌酱汁，酸甜之余又带少少辣味，非常开胃嘅前菜。小食拼盘系餐厅必试之选😍避风塘脆金砖拼西贡墨鱼饼。避风塘脆金砖外层炸得香脆，内里豆腐嫩滑，配埋避风塘嘅蒜香同辣椒碎，真系香口惹味。 墨鱼饼，手打嘅墨鱼饼充满弹性，入口Q弹鲜味，完全食得出系用新鲜墨鱼制作，值得一试😋另外，椒盐鲜鲍鱼好好味🤤鲍鱼烟韧弹牙，外层炸得香脆，椒盐嘅咸香同鲍鱼嘅鲜味完美结合，每一口都充满层次感！生焗啤酒尿虾 ，呢款新菜式好有创意。用啤酒同濑尿虾结合，带嚟全新嘅味觉体验。濑尿虾用啤酒浸泡，肉质渗入淡淡嘅酒香，生焗嘅做法令肉质保持鲜嫩，配埋姜葱同胡椒嘅香气，整体味道鲜甜浓郁，绝对系一大亮点。糟池汁龙虾配脆米粉，龙虾🦞肉质厚实弹牙，糟池汁本身酸甜微辣，带有浓厚嘅泰式风味，加埋脆卜卜嘅米粉，酱汁同脆米粉一齐入口，层次丰富，非常滋味！最后甜品有杞子桂
最近喺西贡试咗一间高质海鲜餐厅，餐厅环境非常舒适，无论系室内房间定户外座位，都十分适合一大班人聚会。
户外座位仲有靓靓灯饰，气氛非常chill。海鲜即捞即煮，非常新鲜。
首先拣咗凉拌蛏子皇！蛏子通常清蒸或者爆炒，但餐厅独创咗呢款凉拌做法，真系令人惊喜。蛏子灼熟后保持鲜甜嫩滑，配埋特制嘅凉拌酱汁，酸甜之余又带少少辣味，非常开胃嘅前菜。
小食拼盘系餐厅必试之选😍避风塘脆金砖拼西贡墨鱼饼。
避风塘脆金砖外层炸得香脆，内里豆腐嫩滑，配埋避风塘嘅蒜香同辣椒碎，真系香口惹味。 墨鱼饼，手打嘅墨鱼饼充满弹性，入口Q弹鲜味，完全食得出系用新鲜墨鱼制作，值得一试😋
另外，椒盐鲜鲍鱼好好味🤤鲍鱼烟韧弹牙，外层炸得香脆，椒盐嘅咸香同鲍鱼嘅鲜味完美结合，每一口都充满层次感！
生焗啤酒尿虾 ，呢款新菜式好有创意。用啤酒同濑尿虾结合，带嚟全新嘅味觉体验。濑尿虾用啤酒浸泡，肉质渗入淡淡嘅酒香，生焗嘅做法令肉质保持鲜嫩，配埋姜葱同胡椒嘅香气，整体味道鲜甜浓郁，绝对系一大亮点。
糟池汁龙虾配脆米粉，龙虾🦞肉质厚实弹牙，糟池汁本身酸甜微辣，带有浓厚嘅泰式风味，加埋脆卜卜嘅米粉，酱汁同脆米粉一齐入口，层次丰富，非常滋味！
最后甜品有杞子桂花糕及益力多糕。杞子桂花糕有淡淡清香；益力多糕酸酸甜甜。食埋个甜品非常满足。
张贴
