Pan da Cafe

营业中

休息中

平时好少入西贡，上个礼拜约左个朋友试车就入西贡游车河食下午餐，佢话有间小店啲cake好食，饮品都唔错，店主仲有好多我偶像哥哥嘅收藏品。其实我地午餐都未食，就先嚟一份德国肠拼蒜蓉松饼下午茶餐，配一杯冻latte同冻mocha，个松饼好香蒜蓉味，脆脆地好香口，两杯冻咖啡水准都好味，咖啡与奶味浓郁。由于我地无食lunch其实都有啲饿，就每人再叫一件cake，我叫左最爱嘅tiramisu，朋友就叫左件巴斯克蛋糕。朋友系整饭高手，佢一试就知龙与凤，tiramisu酒香加软滑芝士口感极好，巴士克蛋糕奶香味浓厚，散发微微焦糖味，十分软滑。店主相信系哥哥同danny嘅粉丝，店里有佢地嘅签名黑胶碟，同埋佢哋一啲罕有嘅收藏品，食嘢之余可以缅怀一下昔日巨星嘅风彩。