Burger Deli (已結業)

天气渐凉，又系时候去郊游，西贡有山有水有美食，绝对系一个好选择。西贡有好多美味食肆，Burger Deli绝对系其中之一，佢既homemade汉堡，好有水准！餐厅只有室外座位，而且只有三四张枱，讲真，我地四个大人一个小朋友，都几逼夹，坐得唔算舒服，不过唔紧要，我反而觉得呢度好切合西贡既伪外国气氛，好似去左外国食汉堡咁呀！餐厅打正旗号系卖汉堡，最正当然系佢既burger，以安格斯牛肉新鲜手打而成，必食！但如果你唔好牛，亦有其他选择既，好似热狗、脆虾堡、鸡包、鱼柳包等等。我拣左最普通既Classic Beef，加芝士同菠萝。一啖咬落去，热辣辣，牛肉鲜嫰多汁，好juicy，夹埋酸酸甜甜既菠萝，同埋新鲜既洋葱同生菜，感觉好fresh好清新。外层既面包都经过烤焗，略带香脆，呢个包，可以攞满分！食汉堡当然要配薯条，呢度提供既系我钟意既粗薯条(前)，good！我见到餐厅仲有较特别既番薯条(后)，就另外叫了一份。番薯条比薯条幼身，甜甜地，脆脆地，送汽水一流！