影片
更多
2015-11-10
2623 浏览
是日教会搞咗「西游记」，两车一行近百人包团游西贡，去吓狮子会、盐田梓及桥咀岛，行程好迤，叫做到过部分地质公园，但依条线唔算多嘢睇。中午，安排到西贡市中心嘅永和海鲜酒家食团餐。咪睇永和个门口如一般周围嘅商铺咁，唔喺好大，实际里面何止别有洞天，简直另一个天地。地下堂座已经唔细，成间店依山而建，后面有楼梯上二楼，再屈个弯上到三楼，更好似多出另一间酒楼咁，多人多到呢……！我哋七围半枱，被安排到3楼另一个偏厅，零装修兼窄到呢……！唔使多讲，团餐嘅质素唔好抱太大期望，睇其他人嘅食评，佢哋嘅服务就知出名……差。虽然，我就无咩遇到好差嘅待遇，但负责上菜嘅阿姐，全程黑面，问多句都唔啋，你就感受到𠮶股对客人嘅怨气。做得团餐，就好似某律师楼嘅广告咁，咩都要快，狂风扫落叶，印象中10-15min内就上齐晒8个𩠌，另白饭任装！因为成枱人都唔喺太熟，一有菜上枱就起筷，点好意思叫人等等相机先食，所以，碟碟𩠌都要把握时机，一嚟到就快摄，出嚟嘅质素一定无咁好，请见谅。贵妃鸡即喺白切鸡，只可以真喺讲，鸡有鸡味，姜蓉有姜蓉味，不过，鸡件皮下脂肪少，鸡肉又几滑，收货啦！豉汁排骨个豉汁好惹味，捞饭一流，但啲排骨就「非常」骨感，
咪睇永和个门口如一般周围嘅商铺咁，唔喺好大，实际里面何止别有洞天，简直另一个天地。地下堂座已经唔细，成间店依山而建，后面有楼梯上二楼，再屈个弯上到三楼，更好似多出另一间酒楼咁，多人多到呢……！
我哋七围半枱，被安排到3楼另一个偏厅，零装修兼窄到呢……！唔使多讲，团餐嘅质素唔好抱太大期望，睇其他人嘅食评，佢哋嘅服务就知出名……差。虽然，我就无咩遇到好差嘅待遇，但负责上菜嘅阿姐，全程黑面，问多句都唔啋，你就感受到𠮶股对客人嘅怨气。
做得团餐，就好似某律师楼嘅广告咁，咩都要快，狂风扫落叶，印象中10-15min内就上齐晒8个𩠌，另白饭任装！因为成枱人都唔喺太熟，一有菜上枱就起筷，点好意思叫人等等相机先食，所以，碟碟𩠌都要把握时机，一嚟到就快摄，出嚟嘅质素一定无咁好，请见谅。贵妃鸡
即喺白切鸡，只可以真喺讲，鸡有鸡味，姜蓉有姜蓉味，不过，鸡件皮下脂肪少，鸡肉又几滑，收货啦！
豉汁排骨个豉汁好惹味，捞饭一流，但啲排骨就「非常」骨感，多骨无肉。
白灼虾虽然只喺白灼，但如果啲虾质素好，点灼都唔会太差，如果嚟到西贡食白灼虾都唔得，真喺「弊家伙」。
鱼香茄子「黑掹掹」嘅鱼香茄子，睇样真喺唔知佢就喺，茄子煮得好腍，无乜咸鱼香味，只得酱油味。
蒜蓉粉丝蒸元贝拨开啲蒜蓉粉丝，粒元贝细到得个五毫子咁上下大，好细粒，所以，道菜似喺食蒜蓉粉丝啰！
蒸鱼只碟就好大喇，对比下，条鱼就显得好细条，还好，条鱼蒸得无过火，肉质几滑溜。
油菜面档格局嘅蚝油生菜，无咩特别可言，只喺多碟菜食吓！
时菜鲜鱿最后上枱嘅一道菜，灯笼椒、翠玉瓜炒鲜鱿，两款菜都爽脆，鲜鱿柔韧，加啲虾酱就一流喇，可惜喺清炒！
12人一围，𩠌菜份量如一般酒嘅例牌，所以，如果成枱都大男人就肯定唔够食，还好我依枱师奶、细路多，变得份量啱啱好。跟团嘢，预咗喺咁，志在撑饱个肚，食完继续玩。下一站喺坐船去盐田梓及桥咀岛，食唔饱都好，搭船无咁容易呕。
题外话/补充资料：
因为喺团餐关系，所以，唔知每位消费几多。
(以上食记乃用户个人意见 , 并不代表OpenRice之观点。)
张贴
