丹麥餅店 (已結業)

帮衬咗铜锣湾𠮶间丹麦都十几年喇，今日经过尖沙咀见到佢有分店开左喺条冷巷度，二话不说帮衬下先，过嚟呢边比较番。喺嗌野既时候𠮶个中年店员已经预先请左我食个西面，我系太耐无食唔知订就咁嗌热狗，但都唔洗西住面加唔耐烦咁问我单肠定双肠挂，嫌我要你发𠮶五个音阻到你阳寿你咪咪七做啰，回完佢双肠之后两秒见到个menu可以加芝士，明明想加都唔敢嗌 lu 。个包同肠质素都keep到嘅，不过𠮶pat酱，唔知边位聪明醒目嘅大哥竟然落咗喺个包嘅尾部，食完大半个包先至食到啲酱，跟住啲酱就成个纸袋都系啦，其实啲酱如果真系只可以落到半个包嘅话，大可以落喺头半个包丫，食吓食吓就会唧咗落去㗎喇。见到呢张 since 1972 既旗仔，俾咁样待客态度既人揸，不禁为铜锣湾老店𠮶位老伯伯希嘘。犹记得同系卖包既连锁餐牌上，都曾经出现过一句笑容免费丫。