WOFT (已結業)

前几日朋友生日, 食完饭见时间尚早就去附近饮杯野. 其中一位朋友介绍我地去WOFT, 话呢间Bar装修得几好又有手工啤酒饮, 一行4人就去饮下野坐下喇!去到个时好多人, 好彩等一阵就安排到位置. 装修几型格, 楼底够高坐落都好舒服唔会焗. 食客不乏鬼佬, 唔知以为自己去咗中环! 起初以为系D美式Bar, 即系得炸野食可以拣, 点知原来好多选拣, 有Starter, Pasta, Main , 甜品等等,D相都好吸引! 早知生日饭系呢度搞埋啦! 最得意系我地发现呢度好多港式Fusion 菜, 我见到有梅菜和牛汉煲, 避风塘薯条, 白汁蚬肉狗仔粉等等. 无奈我地全部都已经好饱, 所以我地决定.....叫个鸡蛋仔!西餐厅酒吧估你唔到有鸡蛋仔,仲要系搞鬼鸡蛋仔! 饀料除咗朱古力, 芝士呢D Standard 野外, 仲有得拣五香肉丁, Parma Ham, 黑松露, 够晒出位! 我地就叫咗个Parma Ham鸡蛋仔送啤酒, 估唔到又几得意, 食落去有蛋香味又有Parma Ham香味, 一人meet 一两粒送下啤酒都几过瘾!呢间餐厅手工啤酒有好多选择, 我见都有几十款之多, 而且有晒中文Tast