影片
更多
2010-06-30
1460 浏览
完咗教会崇拜，我哋一行九个大人两个细路，原先打算到又一村花园俱乐部中菜厅饮茶，点知座无虚席，外面顷盆大雨咁，退而求其次，唯有落下面嘅西餐厅Verbena Café啦，朋友话依度西餐都OK嘅，所以就一字排开大长枱，坐好睇餐牌准备叫嘢食。点知见对面枱一笼二笼有点心食，再问问侍应，哦，原来晌西餐厅都可以剔楼上中菜厅嘅点心，结果，我哋就晌西餐厅食点心！因为人多坐长枱实在好唔方便，所以，剔点心时索性起孖两边头尾都各款点心放一笼！点心纸唔算好多嘢食，叫OK啦，数数埋埋蒸、炸、肠粉连甜品都有四十几款，价钱就由小点$13到特点$32，以一间中档酒楼计都可接受。环境方面，由于系西餐厅，全是活动式木枱为主，方便组合不同大细长枱，装修普通，啡色杏色为主调，配以布梳化椅，比起中菜厅灯光当然比较柔和，但嘈杂嘅人声就跟中菜厅不惶多让。而客路就大多数系附近又一村嘅有钱人，所以，见到侍应同大部份客都好熟，有倾有讲，我哋依枱成枱生客又无话好冷待我哋，只系点到即止，唔会讲多两句啫。 点心叫咗9款嘢：蚝皇叉烧包、姜葱牛柏叶、沙律明虾角、瑶柱珍珠鸡、咖喱蒸鱿鱼、鲜竹牛肉球、罗汉斋肠粉、鲜竹鲮鱼球、金粟墨鱼饼，点心质素中规中矩
因为人多坐长枱实在好唔方便，所以，剔点心时索性起孖两边头尾都各款点心放一笼！点心纸唔算好多嘢食，叫OK啦，数数埋埋蒸、炸、肠粉连甜品都有四十几款，价钱就由小点$13到特点$32，以一间中档酒楼计都可接受。环境方面，由于系西餐厅，全是活动式木枱为主，方便组合不同大细长枱，装修普通，啡色杏色为主调，配以布梳化椅，比起中菜厅灯光当然比较柔和，但嘈杂嘅人声就跟中菜厅不惶多让。而客路就大多数系附近又一村嘅有钱人，所以，见到侍应同大部份客都好熟，有倾有讲，我哋依枱成枱生客又无话好冷待我哋，只系点到即止，唔会讲多两句啫。
点心
叫咗9款嘢：蚝皇叉烧包、姜葱牛柏叶、沙律明虾角、瑶柱珍珠鸡、咖喱蒸鱿鱼、鲜竹牛肉球、罗汉斋肠粉、鲜竹鲮鱼球、金粟墨鱼饼，点心质素中规中矩，好食唔讲得，好差又未算，就系平凡咗D。最好食嘅，我就觉得系个咖喱蒸鱿鱼，好入味，鱿鱼唔韧；最麻麻，首推沙律明虾角，上到枱已经唔热，醮点嘅都系普通嘅沙律酱，仲要系大点添！
粉面
其实西餐厅本身个餐牌都几多样化，唔止西式食物，有汤粉面，有唔同地方嘅嘢食，不过我哋就只系拣咗两个炒粉饭面：瑞士汁干炒牛河、香蒜鸡粒带子炒饭。前者河粉同牛肉都炒得唔错，河粉唔油，食完唔会一碟油晌碟底，牛肉软腍，系个味似普通干牛河，唔太觉有瑞士汁个种甜味，但整体都系好食嘅；而后者炒饭底未够干身，香蒜味亦都哩得弱，鸡粒、带子粒份量唔多，相比之下，哩个炒饭就差咗D喇！
茶芥
上面中菜厅同依度西餐厅都唔收加一，而茶芥依度就唔收，相信因为依度以西餐厅形式经营，无收茶芥哩回事，不过上面中菜厅就唔知收唔收，我估应该要啩！
又一村会所虽然话只招待会员，不过出出入入无限制，订枱都可以唔使系会员，不过俾钱时就一定要个会员出现俾钱，如果无现身唔使旨意有得走，佢哋话点都要等到个会员哩埋单㖞！事后问番，入会（个人会藉）要成$500,000㖞，仲要年年交年费$750，都几甘，就算买二手会藉我估都要二、三十万啦！下次再去真系要睇真D个会所仲有D咩嘢设施提供俾会员先。但食嘢就未必再哩，因为又要麻烦人哩找数，位置比较吊脚，食物又唔系话特别好，价钱又唔算抵，环境无话系会所就静局D，同出面嘅酒楼一样「嘈嘈贡」，唯一系近教会啫！
张贴
