Story Steak & Pasta (已結業)

今日收工早同朋友嚟到元朗呢间西餐厅食晚餐，佢话都系同事介绍佢嚟，所以即管黎试一次。先来餐汤，系蘑菇野菌汤，蘑菇磨碎用料十足，配合上小小忌廉，口感零舍香滑，系非常好嘅前菜，仲有香蒜厚多士，都系好脆口，确实唔错。跟住系番茄带子意粉，带子煎到金黄色，食落零舍香滑，仲有蕃茄味索埋落去，零泻好味，意粉将带子汁索埋入去，所以味道鲜甜。仲有另外系香草野菌pizza，呢味系食素菜嘅人士啱食，野菌上面有香草嘅香味，加上Pizza本身薄薄地，又够趣口，真系好有口感。最后系啱晒一家大细仲有小朋友食嘅口薯条，用芝士嚟焗系将味道升华，而外皮香脆之余，里面亦觉得软林林，好适合小朋友嘅味道，估唔到一样简单嘅菜式都整得几好食。仲有杯冻mocha,非常充满咖啡香，同奶嘅比例亦都啱啱好，系有质素嘅mocha。