初味 (已搬遷) 新店位置

以前一直觉得天后区系无嘢食嘅，嚟到先发现原来都有几多选择。不过后尾我地都系拣咗呢间不起眼嘅西餐，因为揭咗下佢个menu，发觉有我地啱食嘅嘢，所以就决定入去试下。我地各叫咗一个意大利饭和意大利面，一齐share食。黑松露意大利饭配烧北海道带子：意大利饭酱汁浓郁，好creamy，香甜嘅意大利饭配上焦香嘅带子，好match，唔会食到腻。带子都系大大粒，好鲜甜。胡麻汁鲜茄意大利面配炭烧虎虾：呢个意大利面我地都一致认为好味，酱汁好特别，又惹味，意大利面好挂汁，虎虾亦都系大大只，用料一啲都唔马虎。环境虽然细咗啲，但都无影响舒适度。