Outback Steakhouse (屯門市廣場1期) (已結業)

今日去屯市揾朋友，想食得丰盛啲，就去咗outback， 本身谂住食扒，但肥到佢有个二人餐，用HSBC 卡仲有优惠，就叫左个餐啦。佢个餐有好多嘢食，两个人会食到捧住个肚走。首先佢会有个黑糖面包，加埋啲cream cheese，个包热辣辣，好好味。个洋葱汤就正正常常，冇乜咁特别。我哋叫咗凯撒沙律，都系冇咩特别。牛扒配大虾，个牛扒本身叫咗五成熟，但系嚟到嘅时候好似七成熟咁样，入口唔算行人，但系亦都唔系特别嫩口。个白汁芝士大虾阔条面，系个餐入面最出色嘅一样菜式。个面好够味，啲虾又爽口。大家都可以试吓。顺带一提，我都有叫到佢哋杯沙冰cider,真系好鬼大杯，其实可以两个人share。同埋佢都几好饮。我个朋友加左个焗薯，睇落都唔错。本身谂住叫多两个甜品，但系太饱喇，下次再试啦。