開飯主義

营业中

休息中

餐厅装饰色彩缤纷，灯光柔和，有唔少超级英雄既装饰。烟三文鱼沙律烟三文鱼好靓，好似一朵花咁，烟三文鱼系属于味道较浓个种，同蔬菜清新既味道互相衬托，蔬菜都有好多种，如生菜同火箭菜等等。叫左个晚市套餐，有汤、牛角包、主菜同饮品，加钱仲有跟餐小食。牛角包同白汤都唔错，牛角包暖暖地，散发著牛油既香味。就咁食尬好香，用黎点汤都唔错。小食叫左韩式鸡翼，鸡翼炸到个皮脆脆地，入面仲有水份，表面既韩式酱汁酸酸辣辣好惹味。 由于突然好想食意粉，所以我主菜就叫左拉丝芝士肉酱鸡扒焗意粉。最上面有粒三角既炸芝士，炸得好脆，入面有浓浓既芝士流出黎。鸡扒好好食，同肉酱味道唔同，有种香草既味道，鸡扒好易就切开啦。满满既肉酱包住意粉，充满住蕃茄既甜味，又带有一点点酸，配上芝士唔会好腻，互相平衡。饮品系草莓果肉冰沙,见到依个粉红色既沙冰真系好开心，好靓！沙冰打得好细，充满草莓同乳酸既甜味好好饮。