The Chop House (已結業)

家庭聚會，週末响尖沙咀臨時臨急確實係難book位，好彩屋企人醒目，搵到間西餐廳，尖沙咀地鐵站附近，入到去間餐廳燈光陰暗，老實我真係睇唔到個餐牌（有老花），有九成入座率，座位都算寬躺，家庭及朋友聚會是不錯選擇，今次由屋企人發板，有d屋企人唔食牛，所以今次冇吃，呢間餐廳主打都係豬，所以我哋特別叫咗個豬肋骨試吓，可能因為低溫焗，所以一啲都唔柴皮、羊架都唔算好蘇味，但我最欣賞佢嘅伴菜，$48，有好多種選擇，如果唔係因為主菜先可以配，我估我會選晒啲配菜食，一個字、＂抵＂呀！如果好鍾意食忌廉、芝士，呢度絕對不吝嗇。