Mirror & Vegan Concept (已結業)

平日出去食饭，餐厅少不免会用肉类煮食，对食素食嘅朋友来讲实在系一个难题。今日就去咗一间主打素食嘅西餐厅，叫嘢食嘅时候就唔使就住就住。虽然话系素食，但系绝对唔会唔饱。，因为套餐嘅份量都非常丰富，我同朋友叫咗一个套餐另外再散叫就已经足够。套餐有沙律同埋芝士焗蘑菇多士作为前菜。多士芝士味香浓，好邪恶但系非常好食。朋友叫咗一个鲜果沙律，听落去好似好普通，但识落非常清新，水果嘅鲜甜配合酸酸地嘅柚子汁同黑醋汁，非常惹味，食到食唔到口。我特别欣赏佢哋嘅沙律都加咗麦片，健康得来又带嚟特别嘅口感。之后上咗餐汤同埋法式红酒烩野菜，红酒汁嘅味非常浓郁，椰菜花、蘑菇、同萝卜几种蔬菜亦都煮得够稔够入味。主菜方面，我哋拣咗黑松露焗鹅肝菌长通粉同另外叫咗蒜片意大利粉。长通粉加左干蒜粒，比一般嘅黑松露pasta更加香，黑松露酱同芝士完美融合长通粉，啖啖都食得非常满足。蒜片意大利粉虽然听落去简单，但系好考厨师功夫。有蒜香得来又唔油腻，意大利粉亦都煮得啱啱好，够弹牙。当晚嘅服务都非常周到，不少会加水同埋好快收返用完嘅碟。