SENSU (新城市廣場三期) (已結業)

第一次写食评，餐餐都出街食但懒得写，不论平贵有时食到啲心机菜式真系好欣赏，今次就写啲嘢赞吓希望㕑师继续努力呢间餐厅开咗一段时间，因为有张餐券就入去食晚餐明太子酱单骨鸡翼单骨鸡翼就是平时的货色，胜在热辣辣又冇油淋淋，明太子酱好咸香，配饮品边倾计系唔错海鲜明太子忌廉意粉，老公点的，我只食咗鱿鱼同虾，鱿鱼出奇地新鲜爽脆，唔知系咪因为𠝹咗花所以口感好好我既主菜系期间限定的白挑沙律配三黄鸡（半只），佢话冇桃转咗做梨但唔紧要，我重点系食三黄鸡，一嚟到就深深吸引住我，大大碟摆盘靓，一堆我钟意既羽衣甘蓝菜沙律，半只鸡㕑师斜切出鸡髀跟鸡身分开方便食用，好心急即时夹起鸡髀，非常热辣辣，用刀叉懒系斯文切咗两旧比老公，后来决定用手拿著鸡髀，又嫩又多汁又油香，食紧都影咗张相，另配有松露蜜糖可搽，好鬼香甜，另外仲有个照烧汁，食得出好新鲜既鸡，食紧𠮶阵已经谂紧要再嚟食，一路食我同老公都觉得完全将个单骨鸡翼比下去，薯条即炸又热又香脆，梨同沙律都好好味，转个头清晒成碟叫咗杯青苹果蜜桃梳打，清爽味道自然同甜度适中，本人戒甜当天破戒问过今次个期间限定话只做到月中，希望下个期间限定同样出色