HASH CAFE (已結業)

今日黎到呢间西餐，见佢装修几特别所以入黎食。叫左澳洲西冷扒配牛油新薯时蔬，日式烧汁鲭鱼伴时蔬珍珠米，甜薯条加芝心鸡翼同埋芝士蘑菇鸡肉夹饼。餐汤叫左蘑菇汤，饮品叫左柠檬蜜糖同冻奶茶。蘑菇汤有粒粒蘑菇，同时有香浓的蘑菇味，不会太水，是浓汤，美味👍鲭鱼不错，不会太㶶，d鲭鱼汁似鳗鱼汁，所以我问佢再拎汁，鲭鱼同汁捞饭食，真系好香口。牛扒叫咗七成熟味道浓郁仲好juicy ,。甜薯条脆口，甜得来够香。芝心鸡翼，中间冇骨， 仲有好香嘅芝士味，我第一次食咁嘅鸡翼👍。至于个夹饼，入面有拉丝芝士同鸡肉，味道香口，皮也很薄，所以芝士味能够突出👍。小食真系不错，同想讲埋，啲侍应会问客人够唔够茄汁，服务不错。