Friendmily (已結業)

睇戏前，医个肚，实在接受唔到APM的大排长龙。上网睇到呢间上楼小店，招牌杀食，一试。侍应讲O左今晚几FULL，但我接受八半前交枱，有得坐有得食。（简评）环境：喜出望外，柔和灯光，能误打误撞揾到泥呢度，惊喜！好有果种旅行周围揾到好地方的感觉。食物：点个刺身拼盘，夏日炎炎衬支Chablis，干身𣈱怀，两公婆刚刚好。牛扒唔错，五成熟成数刚好，牛魔王满意收货。我点的Risotto, 事先已问明不习惯传统意式的硬身煮法，但又心思思想食下大厨的炒饭仔。上枱，大虾配意大利饭，一试难忘。浓烈松露油香，芝士忌廉渗透饭粒，唔硬但又唔会林PatPat，幸福微笑开动。（连唔钟意芝士O既牛魔王先生都大拇指，cool!   食到一半先醒起影相，醉了）西泰式甜品 芒果糯米饭作结，又系啱心水。－饮饱食醉，够钟睇戏。两公婆面上挂住满意笑容，真系好食。下次，会留多点时间，订个二人雅座，谈谈情饮饮酒，重温拍拖时光。