皇御園 (已結業)

食评都写过几次，评级都唔错，通常都系用app book有折，拉返高个CP值。喜欢点呢度嘅小菜，点心始终难以突围而出。当初佢嘅服务真系比得起五星酒店嘅，但系而家就有点儿逊色，少咗主动，殷勤欠奉，同普通酒楼无异，要加把劲啦！地方宽躺，两个人坐张几大嘅枱，够晒社交距离，茶水都有蜡烛保暖，不过茶壶同水壶就放咗喺张枱嘅一东一西，侍应又唔会好似以前咁帮你斟茶，自己差唔多要起身先至攞到壶茶。第一碟就先来炒菜，上菜次序可以改善下，跟住就上炒牛河，系容易烹调𠮶个就上枱先？点左五道菜，其实最理想系可以先上灌汤饺，最后先上炒河炒菜⋯⋯ 每人一碗嘅灌汤饺，上菜嘅时候又唔系放喺你面前，求其揾个空位就咁摆低，可以细心一啲⋯⋯佛跳墙灌汤饺料足够鲜味，有一口翅过下口瘾。珍宝蚝煲就唔系太过珍宝，上枱时唔够热辣辣，冇火焰嘅感觉，不过蚝都算新鲜，唔太油腻。炒黄鳝就不过不失。腊味炒芥兰度够精致，只有批晒皮嘅芥兰度，腊味亦唔太肥，够香口。炒牛河够干身，唔会好油，料够足，不过就唔觉得有落到XO酱去炒，但依然欣赏。个人来讲喜欢少盐，呢度嘅菜式大致上都比较偏咸。其实整体呢间餐厅系唔错嘅，可以有顶级食府嘅风范，但系现在有点而今非昔比，