樂粥本 (已結業)

临时OT,收工赶去接肥髀，仲未食晚餐，已经差不多十点，仲开嘅食店都唔多， 呢间粥店未试过，在大马路边，门口放咗玻璃柜放油器，店内一边厨房一边收银， 门边仲贴有餐牌，落单时问收银先生，想要多粥少𩠌，佢话即系加底，要收多一蚊，我话我唔系要食多啲粥，系要碗粥少啲𩠌，佢就问厨房阿姐，可唔可以做到，佢话即系「加底」要加钱！（又唔明）我只系要同份量嘅粥，唔要咁多𩠌啫！乜好难明咩？最后我放弃，要正常！ 厨房好快出到食物比我！ 皮蛋猪红粥（$20）发泡胶碗，粥底绵滑够热，皮蛋嫩滑，猪红无乜味道，姜丝居然好爽嫩（平常我会走姜丝，今次唔记得咗），加埋青葱好味！店员其实唔系无礼貌，只系唔会理解特别啲嘅要求！其他招呼上都正常！