影片
更多
2009-10-30
16 浏览
见到咁多个喊样, 忍唔住要帮手平反吓今朝去食早餐, 呢次已经系第三次帮衬, 早餐就第一次, 之前两次都系食三吋蛋治, 饮过奶茶同咖啡, 觉得奶茶好饮d, 咖啡同普通 coffee shop 果d差唔多, 唔系难饮, 不过无乜特别。至于奶茶, 我觉得唔好揾香港d茶餐厅比较啰。三吋蛋治真系无呃秤，够饱之余d蛋炒得好滑，唔系煎到发泡胶 feel 果只，连埋厚切面包一齐食，足够果腹，好满足。早餐食左炒蛋多士，火腿通粉。蛋依然炒得好滑，最钟意同惊喜系个通粉，唔系冧 'bet bet' 果只 (即系好似澳洲牛奶xx (下称 '澳' 记) 果d咁), 直头有 al dente feel, 有咬口，个汤唔知用乜黎煲，奶白色嘅，好似有 cream 响里面咁，加上好有心思咁上菜前洒d番茜响面，呢d细节唔系 '澳' 记可以比较嘅 。见有d网友钟意攞 '澳' 记黎同佢比，个人觉得唔系几公平，响 '澳'记，我谂你都唔驶旨意他他条条慢慢食，果度d伙计，大部分凶神恶杀，对客人呼呼喝喝，佢地果种好似狠不得你十五分钟内即走嘅态度令人唔想再帮衬 (而我亦因此无再光顾)；而 '北', (虽然有人投诉服务唔好), 起码我无觉
今朝去食早餐, 呢次已经系第三次帮衬, 早餐就第一次, 之前两次都系食三吋蛋治, 饮过奶茶同咖啡, 觉得奶茶好饮d, 咖啡同普通 coffee shop 果d差唔多, 唔系难饮, 不过无乜特别。至于奶茶, 我觉得唔好揾香港d茶餐厅比较啰。
三吋蛋治真系无呃秤，够饱之余d蛋炒得好滑，唔系煎到发泡胶 feel 果只，连埋厚切面包一齐食，足够果腹，好满足。
早餐食左炒蛋多士，火腿通粉。蛋依然炒得好滑，最钟意同惊喜系个通粉，唔系冧 'bet bet' 果只 (即系好似澳洲牛奶xx (下称 '澳' 记) 果d咁), 直头有 al dente feel, 有咬口，个汤唔知用乜黎煲，奶白色嘅，好似有 cream 响里面咁，加上好有心思咁上菜前洒d番茜响面，呢d细节唔系 '澳' 记可以比较嘅 。
见有d网友钟意攞 '澳' 记黎同佢比，个人觉得唔系几公平，响 '澳'记，我谂你都唔驶旨意他他条条慢慢食，果度d伙计，大部分凶神恶杀，对客人呼呼喝喝，佢地果种好似狠不得你十五分钟内即走嘅态度令人唔想再帮衬 (而我亦因此无再光顾)；而 '北', (虽然有人投诉服务唔好), 起码我无觉得d伙计想我尽快走，服务态度尚可。要特别称赞系，果度有一个男侍应 (应该系唯一一个)，服务很殷勤，不时留意客人有乜需要，枱面有空碗碟会立即收掉 (因枱面空间有限)，可以加分 !!
总括黎讲, 会再帮衬 !
张贴