幸福堂 (已結業)

好耐无行过旺角女人街，通常都系响旁边匆匆而过，呢日都唔例外，穿过女人街到登打士街搭车，在路口见有好多人在小店外，原来交界位系幸福堂。早前响铜锣湾饮过觉得好饮，天气又闷又热，系要幸福一吓嘅。等紧嘅时候睇吓点整，第一次见手作珍珠机，珍珠原来是这样炼成的。由制作珍珠开始，到用黑糖烹煮都睇得见。仲可以睇到用咩鲜奶，点样整一杯黑糖珍珠鲜奶，制作全程透明可见，对佢嘅卫生绝对有信心。终于轮到我哋杯嘢出场嘞，仙气山水画系男人嘅，我嘅叫女神。仙气山水画 -黑糖珍珠仙草鲜奶$38仙草同鲜奶又真系几似山水画，呢个好好饮呀！仙草软滑微甘，鲜奶够香，配埋黑糖珍珠甜度啱啱好，好钟意呢种味道，男人都赞好饮。钻石杯系列女神 - 台湾蜂巢蜜柠檬$38茶底系绿茶+茉莉花茶，好香，加上几片青柠好清爽啊！蜂巢蜜香甜，饮到有微量嘅蜂蜡巢，健康又解渴，正呀！唔使次次都黑糖珍珠奶，呢两款记咗响我嘅饮品名单上嘞。