媽咪雞蛋仔 (已結業)

妈咪鸡蛋仔由红磡未有分店嘅时候食到而家，最深刻印象系门面有大大个吹气鸡蛋仔，数数手指都食咗好几年，口味都越出越多，分店亦遍布全港九新界。平时钟意食朱古力鸡蛋仔，胜在唔吝啬啲料够多，同埋乱闯一间分店都仍能保持水准。今日就试吓双重芝士同香蕉朱古力味。双重芝士鸡蛋仔 $30一如以往地足料粒粒都充满芝士，能闻到阵阵嘅芝士香气，鸡蛋仔边超脆而鸡蛋仔本身又做到外脆内软刚刚好。一饼份量都几多加杯珍珠奶茶真系可以当晚餐。香蕉朱古力鸡蛋仔 $30香蕉朱古力系真材实料，可惜香蕉太湿导致成饼鸡蛋仔焾哂。成咗几粒已经想停手，都系食返朱古力鸡蛋仔就算。