影片
更多
2019-11-27
90 浏览
话说本身同朋友去到K11 Musea系谂住食另一间餐厅嘅，不过呢，果间餐厅条队郁都唔郁，甘就揾左系楼上既多贺野，不过当时未到12点，多贺野仲未开铺，但见到门口已经排左好多个人，咁我哋决定都排一阵啦。 开门之后我地都好成功甘样做左佢地当日既第一批客人！ 首先，我想讲讲佢哋嘅价钱，其实就一啲都唔平，拉面/沾面为起都要$128-168，对我呢啲打工仔来讲我觉得真系好奢侈！不过好在佢真系好食，而且汤底系非常非常之浓！我讲紧嘅系拉面同沾面既汤底都出色！要留意返拉面同沾面嘅面质系有啲唔同嘅，我比较钟意沾面嘅面质因为佢系比较烟韧，好有口感！配上浓浓既豚鸭汁，真系好想再揾日去食多次呀！今次我冇试到佢哋嘅小食，但我好想讲我同朋友一人一个面已经好饱啦我觉得钟意食拉面嘅大大们系绝对可以去试一试嘅！差啲唔记得咗讲环境，其实我觉得个环境设计系一般，佢想制造一个园林实景嘅效果，餐厅系有一两棵树，但系我就觉得感觉一啲都唔舒适。另外就系部份嘅四人座位呢系有一个屏风隔住嘅，然后当佢编排左两批唔同嘅人坐喺依啲四人屏风位𠮶度嘅时候呢，店员系唔会主动帮你关上屏风，搞到成个场面好尴尬。佢哋成个环境想营造一个好舒适嘅感觉，但系好
首先，我想讲讲佢哋嘅价钱，其实就一啲都唔平，拉面/沾面为起都要$128-168，对我呢啲打工仔来讲我觉得真系好奢侈！
不过好在佢真系好食，而且汤底系非常非常之浓！我讲紧嘅系拉面同沾面既汤底都出色！要留意返拉面同沾面嘅面质系有啲唔同嘅，我比较钟意沾面嘅面质因为佢系比较烟韧，好有口感！配上浓浓既豚鸭汁，真系好想再揾日去食多次呀！
今次我冇试到佢哋嘅小食，但我好想讲我同朋友一人一个面已经好饱啦我觉得钟意食拉面嘅大大们系绝对可以去试一试嘅！
差啲唔记得咗讲环境，其实我觉得个环境设计系一般，佢想制造一个园林实景嘅效果，餐厅系有一两棵树，但系我就觉得感觉一啲都唔舒适。另外就系部份嘅四人座位呢系有一个屏风隔住嘅，然后当佢编排左两批唔同嘅人坐喺依啲四人屏风位𠮶度嘅时候呢，店员系唔会主动帮你关上屏风，搞到成个场面好尴尬。佢哋成个环境想营造一个好舒适嘅感觉，但系好可惜我感受唔到。
张贴
