影片
更多
2019-12-23
1331 浏览
依日同呀妈去完工展会，顺便喺附近揾地方食埋晚饭，见天气都冻冻地，就想食碗汤面。行下行下见到，咦有间💛拉面店㖞，前面有5-6个人排紧队，唔算好多人，就排埋一份啦。店舖细细，应该只系坐到十几人，一男一女店员主理哂店内一切大小事务👍，煮面、洗碗、人流管制一脚踢，好劲。落单方面，店员就可以放松一下，因为门口有部机俾客人自助点餐同俾钱。大家都会喺排队时买定飞，一入去坐低交张飞俾店员就搞掂。我同呀妈一人叫咗一个套餐，叫唔同汤底嘅拉面🍜同小食试下。呢到主要其实都系得两款汤底同两款小食拣😂，套餐价比起散叫平5蚊。别天神套餐($105)，即系豚骨汤面配小食。汤底味道唔错，唔会太浓太咸太油，用豚骨同水煮成，无用到奶。食客可以按照自己口味，加浓加辣，我大爱辣芽菜😍同芝麻碎。芽菜就咁食都几辣，但放落汤就会中和返。面质正常，无话太淋或太硬，而且份量偏多，真心食完一碗面都够哂饱，饮埋汤，无可能再食到宵夜或甜品🙈。呀妈就要咗虾味噌套餐($115)，即系虾味噌豚骨汤面配小食。呢款汤底比起原味浓，有大量嘅🌸樱花虾🍤，几香，但我自己就钟意原味多啲。两个汤底嘅配料大致相同，有紫菜、葱、叉烧2片同日本半熟蛋🥚1只，唯一唔同嘅
依日同呀妈去完工展会，顺便喺附近揾地方食埋晚饭，见天气都冻冻地，就想食碗汤面。行下行下见到，咦有间💛拉面店㖞，前面有5-6个人排紧队，唔算好多人，就排埋一份啦。
店舖细细，应该只系坐到十几人，一男一女店员主理哂店内一切大小事务👍，煮面、洗碗、人流管制一脚踢，好劲。
落单方面，店员就可以放松一下，因为门口有部机俾客人自助点餐同俾钱。大家都会喺排队时买定飞，一入去坐低交张飞俾店员就搞掂。
我同呀妈一人叫咗一个套餐，叫唔同汤底嘅拉面🍜同小食试下。呢到主要其实都系得两款汤底同两款小食拣😂，套餐价比起散叫平5蚊。
别天神套餐($105)，即系豚骨汤面配小食。汤底味道唔错，唔会太浓太咸太油，用豚骨同水煮成，无用到奶。食客可以按照自己口味，加浓加辣，我大爱辣芽菜😍同芝麻碎。芽菜就咁食都几辣，但放落汤就会中和返。面质正常，无话太淋或太硬，而且份量偏多，真心食完一碗面都够哂饱，饮埋汤，无可能再食到宵夜或甜品🙈。
呀妈就要咗虾味噌套餐($115)，即系虾味噌豚骨汤面配小食。呢款汤底比起原味浓，有大量嘅🌸樱花虾🍤，几香，但我自己就钟意原味多啲。两个汤底嘅配料大致相同，有紫菜、葱、叉烧2片同日本半熟蛋🥚1只，唯一唔同嘅就系虾汤配粟米、豚骨汤配木耳。叉烧有灸烧过下，够厚身，几好味；而蛋系做到糖心效果的。
小食方面，我哋各要咗一份。🦞小龙虾蟹子沙律，好似一球雪糕嘅造型，搭配7-8块紫菜，将沙律放上紫菜，包埋一齐食好正😋。我哋都超钟意呢个沙律，非常惹味，小龙虾肉好爽，夹埋蟹籽，一级棒！
另外，就系🥟饺子4只，热辣辣煎起，味道正正常常无乜特别啦，当加样𩠌。
环境虽小，但五脏俱全，首先呢到有冻麦茶或水提供；第二呢到仲有纸巾🧻，超方便客人，而纸巾盒嘅位置就正正系倒转贴喺我哋头壳顶上面，善用每一吋地方🤣。第三就系我哋面前会有一个调味架，上面有蒜蓉、辣芽菜、芝麻、七味粉、胡椒、拉面汁同红姜，自己可以mix&match，餐厅仲贴咗张教学出嚟。最后，就系呢到连连侬场都有一块添💛，真系应有尽有。
总括嚟讲，呢间拉面店整体都几好，价格同其他店亦差唔多，值得排队试试，支持下😆。不过我哋8点左右食完出嚟，条人龙变得更长！
张贴
