梁記餃子麵坊 (已結業)

收工返到元朗，谂唔到食咩记近近地喺巴士总站隔离嘅呢间饺子店食下饺子，8点几都系座无虚席而且要等位。佢店面得一个姐姐，又要落单又要出餐又要收银，忙到踢晒脚，等左20分钟终于到我地。因为要等嘅关系所以我地都喺门口拣好晒嘢食，所以一坐低就可以叫嘢，谂住加快进度，但姐姐忙到五分钟后先得闲理我地。拣嚟拣去都系什锦饺子加面最抵，所以男朋友就嗌左个什锦米，见到佢话个牛腩系招牌，所以加左十蚊试埋佢。牛腩好腍，但咸左小小。至于什锦系边八只饺我就唔知啦，因为男朋友食完冇同我讲🤣但我净系知一定有一只系青椒，食到佢叫救命。而我自己就嗌左个白菜同韭菜双拼净饺。老实说，真系好咸，咸到我真系分唔到我系食紧白菜定韭菜，因为佢嘅咸已经掩盖晒我所有味觉。但佢啲饺子真系好大只，我食左六只已经食唔落。另外我好钟意食炸鲮鱼波，见佢呢度有当然要叫嚟试下，一上嚟好大粒，20秒后就缩晒水。因为佢中间唔系实心，所以其实唔系好大份架咋。佢呢度唔系跟蚧蚬俾你点，而系泰式辣酱，但好彩佢唔系，因为佢本身都已经好咸。另外我仲嗌左豆浆，豆浆就得个甜字，冇豆味。所以如果你对食要求唔高，但要饱肚，呢度绝对满足到你。