BRICK LANE (圍方)

营业中

休息中

嚟到Bricklane，梗系要食啲好英式嘅食物啦！炸鱼薯条一定走唔甩😍 呢度嘅炸鱼薯条好大份，薯条份量非常澎湃，用咗幼身嘅薯条，够咸又香脆😬 炸鱼嘅炸浆都几薄，如果咸啲就更加好味。之后叫咗炸鸡翼配烧烤酱，又系劲香脆，呢个鸡翼都几惹味，送啤酒一流👍👍然后仲食咗一份ribeye，我哋要咗medium，生熟程度控制得刚刚好！今晚最最最推介嘅系甜品：即焗巧克力棉花夹饼，呢个甜品即叫即焗，所以都等咗啲时间㗎！一上枱已经心心眼😻，㶶咗嘅棉花好可爱，仲要外脆内软，好香甜好好味！棉花糖下面系味道浓郁嘅朱古力酱，配棉花糖或者配饼干都好好味，不过真系好肥呀😂😂😂我哋仲饮埋佢杯招牌热朱古力…饮品方面，除咗啤酒同红白酒呢度仲有Cocktail，我杯Gin tonic加咗蝶豆花，打卡一流📸呢度环境舒服，下次约朋友聚餐可以再食。