手拉麵小廚

营业中

休息中

去咗钻石山𠮶边做嘢，约咗附近放工嘅朋友食饭。佢话带我去食好嘢，一路唔讲畀我知食乜，结果去到门口先知道系呢一间响新蒲岗出哂名嘅小店。食得呢啲小店，就预咗要等位㗎喇，千祈唔好因为等得耐而觉得唔耐烦。向街有块大玻璃，可以望到厨房入面制作小笼包同拉面嘅过程，门口仲等紧位嘅小朋友就最开心，难得嘅系舖头入面嘅师傅，又会同啲小朋友隔住块玻璃有少少嘅互动，氹到啲小朋友好开心。讲返啲嘢食，我之前都食过几次，呢个价钱嚟讲冇咩好挑剔，小笼包系好味，担担面系更加好味。经济实惠又一餐，有时都好羡慕喺𠮶边返工嘅人仲有居民。