深井陳記燒鵝 (民泰街) (已結業)

之前食过唔同嘅烧鹅专门店，从未试过烧鹅饭要胸/要背/要翼 +$8，出面周围只系要髀 先要加钱，今日竟然中伏。首先佢系要用 QR Code 落单，跟住想拣少饭和食胸，但因为眼唔到边度拣少饭，咁咪叫职员帮手㩒，原来佢嘅少饭叫「扣底］，真系第一次听，咁我咪顺便叫佢帮我拣埋食胸。点知后来佢攞张单俾我，我一睇见到食胸要加 $8，哗…真系去抢啦笨，刚才又唔讲。都算，因为自己叫佢㩒，但碟饭嚟到，啲烧鹅皮都唔脆，又唔够热，连饭都系微暖。虽然今日出面三十几度高温，佢都唔驶俾啲唔热嘅嘢人食。反正啲食物唔多热，我就一路食，一路打食评。原来陈记烧鹅真系唔系间间都得，味度大致相同，但出嚟品质简直唔值啰。