影片
更多
2014-08-05
1401 浏览
三年前来食第一次，一试难忘，当日都系有朋友带先知有间咁抵食嘅嘢，又系食午餐，用埋信用卡折加埋一，$210左右一位，饱到捧住肚走，冷盘、甜品任食，再自选Pasta或主菜，仲有咖啡茶。难得呢度环境静静局，景观居高临下好开扬，欧式装修仲有人弹琴伴奏，一餐饭绝对系享受。三年后有缘再试，原来加左价 ，$298(未加一，好在信用卡有八折)一位，头盘都系自助，沙律，巴马火腿，烟三文鱼，鸭胸，烧茄烧蕉烧扇贝…唔记得咁多，总之食完已经好饱，巴马火腿最抵赞，切到大大片又够薄身，食多几片抵番晒。 主菜朋友拣长通粉，佢戒口好多嘢唔食得，牛、鱼、芝士、蕃茄都唔食，侍应好体贴，主动帮佢改咗榄油、蒜片炒，味道麻麻，但唔怪得人，咩料都唔落得，理应如此嘛…我拣嘅牛尾好够味好"林"，水准之作。可惜系之前来，甜品系自助形式，依家已经唔系，四选一，提拉米素有芝士唔食得，芝士拼盘有芝士又唔食得，雪芭系士多啤梨同芒果又戒口，我陪朋友拣咗橙忌廉泡芙，上碟好靓，味道亦可口，体贴侍应又出动，帮我朋友𠮶碟飞走淋面朱古力酱，全部系佢听咗我地话唔食得𠮶啲嘢，主动提出帮我地入厨房讲，服务好热心。 虽然食得好开心满意，但始终三年前感觉好好
三年后有缘再试，原来加左价 ，$298(未加一，好在信用卡有八折)一位，头盘都系自助，沙律，巴马火腿，烟三文鱼，鸭胸，烧茄烧蕉烧扇贝…唔记得咁多，总之食完已经好饱，巴马火腿最抵赞，切到大大片又够薄身，食多几片抵番晒。
主菜朋友拣长通粉，佢戒口好多嘢唔食得，牛、鱼、芝士、蕃茄都唔食，侍应好体贴，主动帮佢改咗榄油、蒜片炒，味道麻麻，但唔怪得人，咩料都唔落得，理应如此嘛…我拣嘅牛尾好够味好"林"，水准之作。
可惜系之前来，甜品系自助形式，依家已经唔系，四选一，提拉米素有芝士唔食得，芝士拼盘有芝士又唔食得，雪芭系士多啤梨同芒果又戒口，我陪朋友拣咗橙忌廉泡芙，上碟好靓，味道亦可口，体贴侍应又出动，帮我朋友𠮶碟飞走淋面朱古力酱，全部系佢听咗我地话唔食得𠮶啲嘢，主动提出帮我地入厨房讲，服务好热心。
虽然食得好开心满意，但始终三年前感觉好好多，一来啲枱櫈地毡真系太旧喇，有大陆酒店feel，二来冇咗现场钢琴伴奏冇咁有class，三来我人贪心，梗系想甜品任拣自助拎啦。
听闻话会呢度再装修，真系事不宜迟，始终铜锣湾区新食肆开咗咁多，希慎、金朝阳啲餐厅靓佢咁多，唔执靓点赶上? 冇谓嘥咗咁好嘅食品同景观吖。
张贴
