豬腳小姐

营业中

休息中

本来见到呢间新餐厅满心欢喜，谂住去试吓佢啲lunch set，点知食到我一肚气！铜锣湾午饭时间我地一行人由13:09分入座到13:45分够胆上齐最后一个set lunch，可以漏单超过40分钟，系40分钟！都上唔齐菜，仲要连水都冇杯，要我地提醒佢先拎瓶水同啲杯嚟比我地自己斟水比自己饮，食物质素完全对唔上咁长既等待时间，一齐食饭既同事上咗两个冻过冻饮既汤，后边上既汤系热既，仲要好唔情愿咁先肯换过碗热既比佢地，小菜上得一半，后边干脆连碟都唔分，直接话装大碟啲，要我地自己分，后厨韩国人员工态度恶劣，友人用韩语同佢催餐，佢用爱理不理既态度射波叫返个前台阿姨处理，完全无想跟进既意思，完全冇心做生意！各位要小心！PS: 我最后冇食到佢个餐，走咗去对面食个面就算！人地由点单都上菜用咗5分钟！对比极之鲜明，高下立见！假如阁下时间多又犯贱既话观迎去呢间餐厅一试！