豬腳小姐

营业中

休息中

🍖招牌蒜蓉豬手 m $400 (8.5/10)韓國人開餐廳真係勁有效率，我當日星期五6點拎飛，排12張飛等左35分鐘就可以入座🫶🏻，入到座落單唔洗兩分鐘已經上曬菜！！大家記得一定要叫蒜蓉豬手！雖然食完個口會好臭( ･᷄ὢ･᷅ )，但蒜泥嘅濃郁度真係可以令到成件事昇華曬，d豬手沾上蒜泥就唔洗再點任何醬汁，豬手豬皮本人都好夠入味，個皮超煙韌(稍微有少少難咬😝，份量方面我就覺得唔算多，m size兩個人輕鬆ko，食完好滿足🤟🏻，同係韓國食嘅味道差唔多豬手本身附送一大盤沙律，幾款小菜，我覺得兜沙律唔錯😂，可以比你食食下解膩，同埋唔怕食太多肉便秘🤨🍖蟹籽紫菜飯 $50 (8/10)係我係韓國食豬手嘅必叫item😎，一定要捏到一個個波咁食先好食，超愛d黃蘿蔔碎！成件事非常夠味又有口感回頭指數:🍧🍧🍧🍧🍧 (滿分:🍧🍧🍧🍧🍧)-好坐指數: 🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)人均：$200～服務：(7/10)-希望熱潮過去後會易d食到😳，想食真係要6點前黎拎飛

🧭豬腳小姐（銅鑼灣）⭐️骨膠原之選⭐️🇰🇷過江龍💸招牌蒜蓉豬手(L) $450聽落$450食豬手好似唔平但其實份量十足當日兩條仔去食淨係嗌一個L size豬手已經好飽好滿足🫃蒜蓉豬手香得嚟一啲都唔膩滿滿嘅骨膠原豬手好腍好入味啖啖都係肉好爽🍖嗌豬手附送沙律同配菜豬手配泡菜同醃蘿蔔夾雜住嚟食唔會覺得肥膩嗌埋支真露就perfect💯💰人均 ~$250🍗食物：8.5/10👨‍✈️服務：7/10🪑環境：7/10💯總分：7.5/10總結: 豬手係值得一試，但排隊時間過長係事實，當日5:30 到，差唔多9:00先有得食，新開張只有實體籌，排隊冇得行開扣少少分，要有心理準備有排等⏱️

來自首爾的 豬腳小姐 正式登陸銅鑼灣，無需遠赴韓國，亦可以回味最愛的 招牌蒜味豬手。中份豬手足夠兩至三人共享，經細火滷製的豬腳肉質軟嫩並富含膠質。特別之處在於鋪滿大量蒜蓉，蒜香濃郁但不嗆辣，口味微甜，配上彈牙豬皮，入口即化而不覺油膩。套餐附上韓式泡菜、酸蘿蔔絲及沙律，清爽解膩，口味更多元。Straight from Seoul, Myth Jokbal has officially landed in Causeway Bay! Now, you can savor the authentic flavors of its Signature Garlic Jokbal - slow-braised to perfection, the pork trotter is tender, collagen-rich, and melts in your mouth without feeling greasy. What sets it apart is the generous layer of garlic, which is intensely fragrant yet mild,

今天三人前來吃lunch。點了一份M size蒜味豬腳，一份煎餅，一個紫菜飯糰。三個人吃，買單658，非常飽，綽綽有餘。食物方面，豬腳非常嫩，口感好，但是蒜味稍甜。雖然不會甜到膩，喜歡鹹口的朋友需要點他們提供的醬。還有沙拉在一旁解膩。三個人吃也夠，cp值比我想像中好。煎餅賣相十分吸引，味道一般。banchan伴餐小菜能添加，不過辣蘿蔔只有辣粉味，沒有其他味道略寡淡。酸蘿蔔還好。飯糰是一大盤飯自己mix，味道好又抵食。老夥計的態度良好，很是親切。看得出來年輕的員工們（無論本地與否）還在培訓中，進門後沒人安排座位，直到老一點或有經驗的本地店員安排，我們才順利入座。地點方便，下次還有興趣嚐其他菜。

本來見到呢間新餐廳滿心歡喜，諗住去試吓佢啲lunch set，點知食到我一肚氣！銅鑼灣午飯時間我地一行人由13:09分入座到13:45分夠膽上齊最後一個set lunch，可以漏單超過40分鐘，係40分鐘！都上唔齊菜，仲要連水都冇杯，要我地提醒佢先拎瓶水同啲杯嚟比我地自己斟水比自己飲，食物質素完全對唔上咁長既等待時間，一齊食飯既同事上咗兩個凍過凍飲既湯，後邊上既湯係熱既，仲要好唔情願咁先肯換過碗熱既比佢地，小菜上得一半，後邊乾脆連碟都唔分，直接話裝大碟啲，要我地自己分，後廚韓國人員工態度惡劣，友人用韓語同佢催餐，佢用愛理不理既態度射波叫返個前台阿姨處理，完全無想跟進既意思，完全冇心做生意！各位要小心！PS: 我最後冇食到佢個餐，走咗去對面食個麵就算！人地由點單都上菜用咗5分鐘！對比極之鮮明，高下立見！假如閣下時間多又犯賤既話觀迎去呢間餐廳一試！

睇韓劇成日見到主角食豬腳，今次終於可以食到喇！搵到個都鍾意食豬腳既朋友一齊黎左呢間豬腳小姐試試。嘩好味呀！份量好足，基本上食完一定夠飽！配埋泡菜同生菜，一啲都唔覺得油膩！值得再來！

琴晚星期五我同朋友去咗銅鑼灣的「豬腳小姐」食飯，呢間餐廳好受歡迎，開幕前已經吸引咗好多人。等咗一個鐘頭終於可以食到，但整體體驗有啲失望。首先，食物嘅味道係真心唔錯，豬腳嘅調味同口感都好出色，每一口都令人想多食幾塊。但餐廳嘅氛圍就唔係好放鬆。雖然排隊時已經知道得60分鐘，但我覺得店員嘅服務可以喺呢60分鐘內做得更好。例如，我哋點咗魚糕湯，但係冇送上合適嘅碗，我哋亦都唔知道係會有碗，直到見到隔籬枱要求先知。當然水都唔會主動送上，所有嘢基本上都要我哋主動要求先有。嗌咗嘅冷麵完全冇剪開，當然係需要嗌人哋幫我哋先可以食到。我諗i人真係唔係好適合喺呢間餐廳食飯🤣🤣用餐完結後，我哋淨係有五分鐘唞啖氣終於可以講吓嘢，同埋都打算買單，但發現店員不停喺旁邊收拾桌子，而且發出好大聲響，令人覺得好似畀人催促咁。咁當然佢最後都真係催促你，話俾你聽仲有3分鐘。真係刺激同緊張嘅過程🤣🤣🤣另外，價錢方面，「豬腳小姐」嘅價位幾乎係韓國「豬腳小姐」嘅兩倍。在韓國，食豬腳通常係下班後同朋友聚餐、放鬆心情嘅選擇，但香港就完全相反，令我哋感到好大壓力。香港人真係好大壓力，唔好咁對我哋啦總括來講，「豬腳小姐」嘅食物值得一試，但如

喺韓國都未食過，決定試下依間過江龍既威力～只限walkin,1745後開始要等了😨2個人食叫左個蒜蓉豬手（M size)👇🏻一上菜就成盤咁上，仲有配菜跟添，有kimchi、洋蔥、酸蘿白絲、沙律醬粉絲？（爽爽的口感）、沙律菜。本身諗住要打包，但最後都食晒，豬手夠腍身，因為佢唔係炆既關係，所以一啲都唔張口，而且蒜蓉真係唔洗錢咁，鋪左勁多😨食完個口刷幾次牙都搞唔掂😂😂😂另外仲叫左個吞拿魚蛋黃醬紫菜飯團👇🏻賣相一般，但味道唔錯，意外加左分🤭佢仲好細心咁俾左膠手套，等我地用手自己撈添

原味豬手(L)豬手肉質嫰滑，沒有半點油膩感覺，若喜歡濃味一點，沾上兩款韓式醬食都好好味紫菜蟹子拌飯紫菜、蟹子、蘿蔔碎，加上一點芝麻及沙律醬，賣相好吸引，味道好夾，兩個人食剛好配菜有沙律、韓式小碟。相信是試業期間，餐牌上部份菜式暫時未有供應，飲品選擇亦不多，期望下次可以品嚐到更多菜式。但建議平日17:30前要到，因為座位不多，否則要排隊，假日就更多人呢

同我上個月係韓國弘大店食嘅個味差吾多。嚟到香港以為佢會特別貴，味道水準差啲。好食! 價錢合理。係估佢吾到，去韓國旅行之前已留意到佢哋裝修即將會開，以為會好伏，餐廳服務員好多韓國人。我太太食得重開心過我🤣真的不錯個韓國老闆好好人，好有禮貌，又識做。( 出面有好多韓國餐廳啲老闆好串 )試業期間睇得出佢哋有啲亂，下星期再食!!