影片
更多
2022-01-06
3137 浏览
真系估唔到系2022年头能够食到呢餐唔系咁易有得食嘅餐厅! 除咗系一年口福嘅好开始,最重要系赶得切喺"禁堂食"前食埋呢次晚餐,真系感恩!今次订左一围枱食"金玉满堂宴"。一家人去食饭除咗开心聚一聚,仲要嘢食水准真系够好! 唔系夸张,可以话好耐冇食过一餐由头好食到尾嘅菜式。最难忘嘅包括金蚝,佛跳墙,大海斑两味,椒盐陈皮虾,腊味糯米饭,腰果露…哗,差唔多讲晒出嚟。首先要讲过金蚝,老公不嬲对熟咗嘅蚝都麻麻地,今次食完都话食过番寻味,甜甜地又食得出蚝嘅鲜味,其他餐厅都好少食到咁嘅质素。佛跳墙就唔洗讲,原个大煲炖,净系个排场都够晒你冷! 新鲜鲍鱼成串起,山珍海味都有,𠮶嚿金华火腿令成煲汤入晒味,就算汤渣都食到舐舐脷😋。跟住海斑两味,一炸一蒸,炸嘅外脆内嫩,蒸嘅鱼肉够嫩口,两款都啖啖肉,究竟条鱼有几大呢?一定唔系雪过既鱼,真系真材实料,冇得顶👍。系咁以讲下只陈皮虾,炸到脆卜卜,椒盐又唔太咸,肉质够鲜,我连壳都蚀埋。已经好饱嘅情况下,仲可以食多碗腊味糯米饭,简直系奇迹。我见佢将腊肠同润肠剁碎,香味渗入晒糯米饭,做到不油不腻嘅境界。至于甜品嘅腰果露唔系度度有得食,最重要系食得出由腰果磨嘅微粒,唔会太甜,
今次订左一围枱食"金玉满堂宴"。一家人去食饭除咗开心聚一聚,仲要嘢食水准真系够好! 唔系夸张,可以话好耐冇食过一餐由头好食到尾嘅菜式。最难忘嘅包括金蚝,佛跳墙,大海斑两味,椒盐陈皮虾,腊味糯米饭,腰果露…哗,差唔多讲晒出嚟。
首先要讲过金蚝,老公不嬲对熟咗嘅蚝都麻麻地,今次食完都话食过番寻味,甜甜地又食得出蚝嘅鲜味,其他餐厅都好少食到咁嘅质素。
佛跳墙就唔洗讲,原个大煲炖,净系个排场都够晒你冷! 新鲜鲍鱼成串起,山珍海味都有,𠮶嚿金华火腿令成煲汤入晒味,就算汤渣都食到舐舐脷😋。跟住海斑两味,一炸一蒸,炸嘅外脆内嫩,蒸嘅鱼肉够嫩口,两款都啖啖肉,究竟条鱼有几大呢?一定唔系雪过既鱼,真系真材实料,冇得顶👍。系咁以讲下只陈皮虾,炸到脆卜卜,椒盐又唔太咸,肉质够鲜,我连壳都蚀埋。
已经好饱嘅情况下,仲可以食多碗腊味糯米饭,简直系奇迹。我见佢将腊肠同润肠剁碎,香味渗入晒糯米饭,做到不油不腻嘅境界。
至于甜品嘅腰果露唔系度度有得食,最重要系食得出由腰果磨嘅微粒,唔会太甜,又唔会过稀,近乎完美,真系好想添饮。
讲到咁出神入法,好似好夸张咁。老实讲今餐所有同台食客都好满意!简称冇得弹!唯一嘅缺点就系由订枱度食饭等咗几个月,呢d真系叫做等到颈都长。
糖桂花饯美国桶蚝
42 浏览
1 赞好
0 留言
38 浏览
0 赞好
0 留言
张贴
