影片
更多
2015-03-27
1514 浏览
似乎要食好野就唔好预有好service前两日我喺首尔返来,今日心血来潮好想食韩国野,所以决定来呢度食lunch! 12:40pm来到,大半间餐厅都未有人坐,太好了! 心谂可以好快有得食啦! 但系个红发阿姐见我地得两个人,话得番d大台所以唔俾入住,搭台都唔俾...最后等咗10分钟都未见有一大班人来,我地终于可以入座..(都系搭台..) 呢间餐厅lunchtime冇得book位的,又要人齐先入得,所以小妹建议一心想来食嘅朋友仔唔好约太多人来又唔好得2条友走去食...餐厅入面嘅poster都喺韩国见过的,台面嘅餐具喺韩国用过的, 台面嘅麦茶都有韩国饮过嘅味道,连电视都系播住韩文台! 但系所有野加埋, 整体个感觉又唔似韩国feel....台面有好多前菜,都是随机的,每一样都好好味,我全部食晒!(好少有香港嘅韩国餐厅嘅前菜系足以令我清晒的!)呢度lunchtime每人最低消费系一份lunch set, 价钱around $65~$80。我order咗最贵嘅烧牛肋骨餐 ($80), 个餐跟萝卜汤和白饭。牛肉系铁板上的,但因为用洋葱丝垫住,所以基本上唔系好热,牛肉表面一点烧焦嘅部分都冇。牛肋肉(我叫
餐厅入面嘅poster都喺韩国见过的,台面嘅餐具喺韩国用过的, 台面嘅麦茶都有韩国饮过嘅味道,连电视都系播住韩文台! 但系所有野加埋, 整体个感觉又唔似韩国feel....
台面有好多前菜,都是随机的,每一样都好好味,我全部食晒!(好少有香港嘅韩国餐厅嘅前菜系足以令我清晒的!)
呢度lunchtime每人最低消费系一份lunch set, 价钱around $65~$80。我order咗最贵嘅烧牛肋骨餐 ($80), 个餐跟萝卜汤和白饭。牛肉系铁板上的,但因为用洋葱丝垫住,所以基本上唔系好热,牛肉表面一点烧焦嘅部分都冇。牛肋肉(我叫佢“肉”系因为其实一粒骨都冇)味道腌得好好味,甜甜地的。虽然一d都冇我喺韩国食过嘅风味(因为其实韩国嘅烤肉唔系好腌),但味道的确唔错!系香港人都会like嘅味道! 不过如果可以烤一烤肉嘅表面令肉更香口会更好,否则睇落似炒牛肉多过似烧牛肉。要赞一赞个白饭, 有口感。 但个汤就马虎咗d..
由于系搭台嘅关系,送餐过来时出现咗乱子。个捧餐嘅南亚裔姐姐唔知系咪唔识字,佢捧咗锅汤来,搭台哥哥仔们同我地都想问下锅野系咩来,好等我地认领,但系个捧餐姐姐只系讲咗3个字:“自己睇” 哗..咩态度呀..
之后佢捧住我个牛肋肉餐向我张台方向行过来之际,隔离台个哥哥仔以为碟肉餐系佢嘅就叫个捧餐南亚裔姐姐放低..结果个姐姐真系放低咗! 我以为个哥哥仔点咗同我一样嘅餐,谂住让佢先啦...最后个哥哥仔望番个餐同餐牌上佢点嘅样唔同先知佢自己搞错咗.... 我唔怪佢, 反而系质疑个捧餐嘅咁乱来,随便放低食物!
整体来讲, lunch set食物质素俾个赞, 但食物以外嘅包括服务、环境、气氛全部都负评。
张贴
