影片
更多
2009-11-12
17 浏览
呵呵呵~~~ 星期2既早上, 打令令系MSN同本鱼讲话个胃唔多掂, 挨了好几日都仲痛, 佢话放工要碌黎CWB 睇医生, 问本鱼不如一齐食晚饭, 本鱼实话好啦, 因为有得见呀打令令㖞~ 既然打令令个胃唔多掂, 本鱼就决定食素啦, 上openrice search 下边间好,search 到有2间比较多好评既素食餐厅, 即弹MSN比打令令望下, 佢话最紧要食粟米粥..好好好...本鱼就选了呢间小小素食店了~入到去坐低..可能时间仲早啦, 只得一枱2位既客人(过了半个钟就多D人了)...唔理...望下menu 有咩食, 我地叫了如下: 先黎个小食- 凉伴牛蒡, 牛蒡个汁味道好好, 伴以芝麻. 麻油等, 口落劲爽, 可能佢系用刨刨出黎, 打令令话食过citysuper个D, 因为系切出黎, 好厚, 食落好硬, 食咬到牙都软, 而呢间令到本鱼同打令令, 不停食呀食~ 正 主菜 - 西柠鸡, & 咖哩琵琶豆腐煲西柠鸡 - 个汁好味, 唔会好似出面太甜, 太酸, 而鸡块好真, 有咬口, 用了牛蒡+面根炸成, 刚炸起, 脆口, 再加埋个汁, 如送饭好开胃唷~~咖哩琵琶豆腐煲 - 等了耐少少既时间, 一
既然打令令个胃唔多掂, 本鱼就决定食素啦, 上openrice search 下边间好,search 到有2间比较多好评既素食餐厅, 即弹MSN比打令令望下, 佢话最紧要食粟米粥..好好好...本鱼就选了呢间小小素食店了~
入到去坐低..可能时间仲早啦, 只得一枱2位既客人(过了半个钟就多D人了)...唔理...望下menu 有咩食, 我地叫了如下:
先黎个小食- 凉伴牛蒡, 牛蒡个汁味道好好, 伴以芝麻. 麻油等, 口落劲爽, 可能佢系用刨刨出黎, 打令令话食过citysuper个D, 因为系切出黎, 好厚, 食落好硬, 食咬到牙都软, 而呢间令到本鱼同打令令, 不停食呀食~ 正
主菜 - 西柠鸡, & 咖哩琵琶豆腐煲
西柠鸡 - 个汁好味, 唔会好似出面太甜, 太酸, 而鸡块好真, 有咬口, 用了牛蒡+面根炸成, 刚炸起, 脆口, 再加埋个汁, 如送饭好开胃唷~~
咖哩琵琶豆腐煲 - 等了耐少少既时间, 一上枱, 打开盍, 哗, 仲系到滚紧..热辣辣, 传来一阵阵椰香味, 琵琶豆腐, 豆腐嫩滑, 仲加了马蹄粒, 打令令话马蹄粒爽口而清甜, 唔似有D餐厅用了粉粉既马蹄啰...而咖哩汁似葡汁多D, 都好好味, 而且煲入面有除了主角, 还有一块块细片既素肉(素午餐肉?), 和青+红既椒片呢~~
粟米菇粒粥, 叫个时我地好醒见地问婶婶有几大碗 (因为本鱼同打令令成日都捉虫架~~ ) 而婶婶好有礼貌地同我地讲, 一碗share 就够了....我地紧系听话啦, 碗粥上枱..都几大碗架, 而婶婶好细心地另比2个小碗我地, 吃一口, 粥底算绵- 粟米清甜, 打令令话美中不足系..佢地加了杂豆.仲要有好多粒打令令唔钟意既青豆, 我话下次order 时你问婶婶可唔可以走青豆啰....
总括食物美味, 服务我地既婶婶们好有礼貌, 又细心, 当我地食完枱上既食物, 另一婶婶同我地讲, 不如佢帮我地执好枱+添加热茶, 坐下慢慢倾, 唔会食完赶你走~ 我地一定会再黎架, 我好想试佢地既牛柳和其他小菜唷~~
题外话, 我地打算走时, 打令令见隔离枱既芋头鱼炸得好靓, 有手掌咁大, 打令令话咁多条点食得晒架, 因为见到隔离枱系2位小姐食, 我话下次人多少少先食...点知..隔离枱2位小姐听到我地讲既野, 仲转头话系呀, 食唔晒架, 呵....原来2位小姐系打令令既公司同事, 仲话一入黎已见打令令, 而我地太过忘我地倾计关系, 发现唔到...哈~ 原来我同打令令一样, 系唔会留意侧面/身边有咩人行过架呢~~
张贴
