小草十八怪

营业中

休息中

天气凉左，就好想食番啲热辣辣嘅食物落肚，呢间#小草十八怪石锅米线，主打热辣辣的锅物，食物多元化，可任点自选，啱晒我哋咩都想食小小嘅人🙊。喜欢食蟹的我们，点咗一个无火生滚石锅煲仔饭，极品蟹王石锅煲仔饭，用蟹皇浓汤煲制而成，入边有金菇、埋粉丝同埋一只靓膏蟹仔。店员即时帮我哋将材料放进煲内，要等12分钟才可进食。打开就闻到香喷喷，蟹🦀膏新鲜，肉质够味，用蟹皇浓汤煲的饭，滋味满满的好正，食得开心又满足。龙仔荷叶饭，蒜蓉金菇粉丝奄仔蟹荷叶饭。奄仔蟹膏是鲜橙色，入口鲜味十足，蟹肉质都美味，蒜蓉好多铺满饭面，啱晒喜欢食蒜蓉嘅我哋。十八怪石锅生滚米线，要咗沙嗲生牛石锅米线，入边有肥牛，封门牛肉、牛丸、牛柏叶、牛肚同埋金菇，配搭一杯特大手打柠檬茶。沙嗲味道香浓，食材新鲜，米线烟韧，配搭得很好吃。