三星台菜食堂 (The L. Square) (已結業)

第一次食三星，同朋友一出䢂同时间有对情侣刚到，个员工好快带我地入坐然后话快d叫野食厨房要收，果时9点半左右，我地好合作快手拣好野食，叫左蕃茄牛肉面（见餐牌英文都冇写有spicy) ，青菜，阿嫲鲁肉饭同高丽菜猪肉水饺，个水饺都几贵，同碗面一样价$78，重有水果茶。蕃茄牛肉面有大量酸菜，本人麻麻酸菜，食第一啖面已经觉好辣同咸，明明无叫辣！见朋友交换左个饭食，d饭都几硬，有d一嚿嚿痴埋，而个青菜同水饺一个字-咸！两味菜都淋左大量同味酱汁，个酱有d求其似现成买最重要系好咸！食到9点40分 d员工开始叫在埸客人埋单，跟住个丫姐开始拖地，9点45分个拖地丫姐同每一枱讲5分钟后收铺，下？我重有大半碗饭未食晒，同我哋同一时间，𠮶对情侣都仲有成大碟盐酥鸡！咁唔好俾我哋入坐啦！入坐时又唔讲就黎收铺！结果未食饱就走，要去附近麦记再食！整体食物超级普通，价钱都唔平，唔会再食！