心裡有素 (已結業)

在网上见到消息话会结业(不知是真还是宣传,因为见佢仲请紧人)，故此一试。晚餐$150一位限时100分钟，好可惜确实系失望而回的。 首先佢地方比较细，细到跟本唔适合做自助餐。枱与枱之间嘅距离好窄，繁忙时间要搭枱在所难免。每次出入都困难。攞嘢食嘅地方喺人地张枱旁边，每次拎嘢食都怕会撞到人。 食物方面，呢个价位，比起其他素食餐厅种类为少。可能地方细关系，只能放到大概20款食品，2款甜品，2款饮品。就系咁多了。间中职员会喺厨房拎啲出面冇放的食物分给客人，可能因为出面没位置放吧。食物水准方面真的普普通通，冇乜边款觉得特别好食。图中可见到甜品并不吸引，如果想要雪糕，一定要like佢社交媒体网站先可获得一份，故我地拒绝了。另外其他食评见到的焦糖炖蛋的甜品，是要加$10或加$20做VIP才有的。 同区另一间素食自助餐厅价钱比呢间还便宜，但食物种类多佢起码一倍，亦比佢好食，亦唔需要加钱先有甜品。用餐期间不断听到其中一个男职员(疑似老板)不断叫人like佢社交媒体网站送雪糕，都几烦厌。总之此素食餐馆予人感觉不太真心(同佛心)。绝对不会再光顾了。