一生懸麵 (荃灣千色匯I) (已結業)

今次系小弟第二次去食呢间，第一次系试佢嘅普通拉面，但系今次决定试吓热沾面。小弟到嘅时间系大概晚上八点，等咗15分钟就有位。今次小弟喺张纸度剔咗要所有嘅配料，面硬度普通，初初都好惊碗面会煮到有啲淋，因为小弟钟意食比较硬嘅拉面，上菜嘅时候，见到啲拉面煮得唔错，几弹牙。而且沾面嘅汤比较浓，令到啲汤比较容易挂上去面嘅本身。汤嘅味道比较咸，所以如果就咁当普通拉面汤底咁饮，就会觉得咸咗少少，但系如果捞埋面一齐食，就刚刚好。总括而言，喺呢个价位嘅拉面算系唔错，环境亦都干净，唯一觉得坐得有啲比较迫。不过如果你早啲去攞位，一个人都有机会可以坐到四人枱，咁样就可以坐得舒服啲。