荳子 (新都會廣場)

营业中

休息中

其实我都唔知呢间系食啲乜嘢，见新装修，又咁多人排队，当然唔执输，排埋一份😂。20分钟后就轮到我哋。餐厅装潢简洁，坐位距离算阔，餐牌系一本书，除咗食物，仲有介绍餐厅历史。汤用茶壶装住，下面个杯有少少海鲜，汤虽然浓，但冇龙虾味，感觉似用粉开的。食落唔系一块洋葱，应该系将洋葱混合粉一齐炸，似炸薯圈多啲。份量够，饭煮得软，仲好creamy，加上咸香的鸭肉，同埋上面块芝士片，系今餐最好食的。细细份啱晒两个人食。淡淡姜味，唔太甜，如果蛋白打得松啲更好。主菜包一杯热饮，甜品另加$28。绿茶红豆卷味道一般，绿茶味唔够，红豆少，胜在唔甜。