夜上海

营业中

休息中

开店以来都帮衬过好多次，对上一次系旧年一大班人食晚饭，当时都觉得整体水准依然，今日一行三人食午饭，真系俾个份量吓亲！用某app book咗2:00pm，有半价优惠，老人家和小朋友唔会食得太多，谂住先嗌两个头盘三个主食，一上菜，哗⋯⋯咁细碟嘅⋯⋯两个头盘真系只可以撩下牙隙，我以为用app book半价优惠，所以份量就比一半啦，我仲问服务员呢啲系正常份量㗎啦，佢话系㖞，跟住即刻翻查OpenRice，原来最近已经好多人喺份量果方面表达过意见啦。其实嚟得太古广场食嘢，都唔系谂住要大件夹抵食𠮶啲㗎啦，就算你食物有水准，都应该要serve得大体，见咁嘅情况，加多两样嘢先叫做可以感觉到有啲嘢落肚，再叫埋甜品先至叫做有少少饱肚嘅感觉。嗌𠮶个棒棒鸡，服务员话会有啲辣，小朋友食完之后觉得完全无辣味，得好重嘅花生酱味，食物味道方面是可以的，但未见突出。2:00pm坐低，2:30pm嗌last order，即刻叫埋甜品，跟住就系咁帮你清枱⋯⋯明嘅，所以2:43pm买单走人，喺短时间里面served九个items，快餐连锁店都冇你咁快！好难喺相里面睇到份量有几少，所以唔post食物嘅相。如果要用正价嘅话⋯⋯🙄🙄