大快活 (天一商城)

营业中

休息中

今日晏咗起身咁就谂住去食返个lunch啦，点知周围都冇位，咁就去到大快活见到有下午茶餐，入去见到人龙都唔长，仲有好多位可以坐，今日先坐低又再去睇下下午茶餐有乜选择，竟然见到下午茶餐有成五六十款真系超多，眼花撩乱咁样，最终就拣咗牛肚鱼蛋面和热奶茶，同埋最抵嘅下午茶餐，火鸭丝米粉加奶酱多士和脆肉肠仔热柠茶，真系好抵食，唯一就系无送餐服务，仲要去排队攞餐，喺疫情之下真系有啲问题。好彩都唔系等咗好耐咁就攞咗餐，而且周围环境都比较阔落坐得几舒服，呢个餐就真系一般快餐厅质素，𠮶个面就好似就咁将个面加咗水慢慢等佢林，牛肚都仲可以，鱼蛋就一般啦，奶酱多就比较硬咗少少，雪菜肉丝米都系一般，，肠仔都算脆皮，只可以话系简单嘅一个下午茶，性价比都ok嘅。