大快活

营业中

休息中

大快活午市套餐～牛肉拼雞扒飯凍綠茶加隻鹹蛋總共$51 ~牛肉普普通通，雞扒凍嘅雞皮腥～希望下次帶他們可以做熱啲管好嘅品質，因為都有好多學生果食，令到今次嘅感受有點不愉快～

晚餐同媽媽去大快活食飯，不過我就覺得大快活晚市既選擇越黎越少，或者係好多都好早就賣晒😢未到8點野食都冇左一半😢今晚唔係幾想食飯，想食麵多啲，點知望完成個餐牌都係得肉醬意粉唔係飯，咁就唯有叫肉醬意粉食啦~反正都好耐冇食。賣相睇落唔錯，醬汁都好多，食到最後唔會得返麵冇醬，麵既軟咬到都適中，唔會太硬都唔會太淋，好易入口👍🏻食下食下好快就食晒，我諗男人食呢個應該會唔夠飽，因為我食完都唔係話太飽🤣

銀芽肉燥撈麵肉燥算幾鹹，麵嘅口感覺得有d硬硬地。皮蛋瘦肉粥皮蛋份量都okay，瘦肉係好多好細嘅一絲絲，好過鞋口，粥底可以，整體味道正常茶走覺得茶底差咗少少，但口感都可以

同事喺佢屋企附近嘅大快活，幫我買咗早餐🥣真心無論去到邊度，食個大快活嘅吉列豬扒煎雙蛋早餐都覺得好滿足，朝早食完晏晝都可以好晏先至食嘢🤣有時想食蘿蔔糕就煮蘿蔔糕，有時想食脆啲熱氣嘢，就會叫多士，加多杯凍綠茶或者熱檸茶就Perfect！

講到快餐店既健康之選點可以唔提起大快活，佢之前有個紅糙米套餐，又有不落味精套餐都非常健康！而今日我就選擇左牛扒雞胸套餐。有做開GYM既人都知雞胸係好健康，冇乜脂肪，呢個套餐既雞胸都係一樣，而且大快活既雞胸又唔會煮到「好鞋」好難入口，兩舊雞胸既份量剛剛好，同埋佢又有一塊薄牛扒for你配搭黎食。而可能呢個係主打健康既套餐，佢D汁食落都唔咸，可能減左鹽掛，而配菜方面，除左有常見既椰菜之外，仲有少少翠肉瓜，幾好既配搭。總結成個套餐健康得黎又唔會話唔好食。

好久無食過呢家早餐，機緣巧合之下就叫左兩個餐黎食，蠢左多士唔記得左加錢轉豬包仔。炸豬扒真心無得彈，又酥脆，又唔肥，又無肉膻，脆到一個點，真係冒住爆瘡既危險都要食。最正既係有heart，快餐都做到有檸片係面，口味即提升，檸味好fresh，估唔到連鎖餐廳都咁有心機去做好一件事。其他奶茶有茶甜香，多士又夠脆，仲可轉蘿蔔糕，雪菜米粉唔糊口，彈牙面面。餐廳好人性化，過左11點都仲陸續有客想趕住食早餐，都照做賣先，好有人情味，一定再去。

今日同屋企人去咗天水圍一間大快活餐廳食飯，呢一間餐廳都係超級有水準，而且超級方便快捷，係非常之經濟實惠嘅餐廳，呢一間餐廳位置與天一商場，只要在天秀站落車，行一至2分鐘，就會到呢一間餐廳，所以我覺得呢一間餐廳非常之方便，如果唔知食咩嘅話，我會推介呢一間餐廳，我今日叫咗個粟米肉粒飯，我覺得佢好有水準，佢嘅白汁同埋白飯嘅比例係恰到好處，而且佢個肉粒都係新鮮，一啲都唔晏，好軟身，而且粟米好甜，所以我覺得呢一個白汁粟米肉粒飯，超級推介，而且屋企人仲叫咗一個燒味飯，叉燒設計飯，呢一個燒味飯都係值得推介，肉類好友份量，而且個飯都唔會好乾，而且有菜有蛋，所以個配料好粥，我覺得呢一間餐廳的食物好有水準，好有質素，而且佢個熱奶茶超級好飲，如果嚟到呢一間餐廳，一定要叫燒味飯加熱奶茶！

星期日終於唔洗番工，梗係要出下街去享受家庭樂！買咗濕地公園年票梗係要善用， 入去樂園前去咗附近的天一商場買啲零食同水，再去食個快早餐🥣！見到大快活就入去啦！見到有一個叫「每週驚喜」的早餐，好抵食！$31 有一塊炸豬扒、一碗蕃茄貢丸通粉、一塊英式多士配一杯熱飲☕️其實最想食既係果塊炸豬扒，但真係最失望塊豬扒好薄好細塊英式多士正正常常，微熱蕃茄貢丸通粉幾好味😋咁熱既天氣，我叫咗低糖綠茶🍵凍飲🥤，不過少冰都勁多冰，食完成份早餐杯野飲都仲有冰

今日晏咗起身咁就諗住去食返個lunch啦，點知周圍都冇位，咁就去到大快活見到有下午茶餐，入去見到人龍都唔長，仲有好多位可以坐，今日先坐低又再去睇下下午茶餐有乜選擇，竟然見到下午茶餐有成五六十款真係超多，眼花撩亂咁樣，最終就揀咗牛肚魚蛋麵和熱奶茶，同埋最抵嘅下午茶餐，火鴨絲米粉加奶醬多士和脆肉腸仔熱檸茶，真係好抵食，唯一就係無送餐服務，仲要去排隊攞餐，喺疫情之下真係有啲問題。好彩都唔係等咗好耐咁就攞咗餐，而且周圍環境都比較闊落坐得幾舒服，呢個餐就真係一般快餐廳質素，嗰個麵就好似就咁將個麵加咗水慢慢等佢林，牛肚都仲可以，魚蛋就一般啦，奶醬多就比較硬咗少少，雪菜肉絲米都係一般，，腸仔都算脆皮，只可以話係簡單嘅一個下午茶，性價比都ok嘅。

之前的餐蛋即食麵那些套餐，又多元化，又多選擇，宜家個餐蛋即食麵，根本都唔係之前個隻麵，湯底又唔夠之前的好，之前需然有時鹹D，但好野味，又有童年時坐天星小輪食嘅餐蛋面感覺，宜家個面真係難食，能不能用返之前的麵，之前的麵其實係咩麵，我想知好耐了，希望能解答

呢晚天氣悶熱，唔想煮飯，就上網睇下附近有咩食，醒起大快活可以網上落單，仲有九折，就快快睇下有咩食其實選擇都算幾多，咖哩系列，吉列系列，仲有小菜系列，不過最吸引我既就係扒餐系列揀選左雜扒餐，見圖顯示啖啖肉，配上茄汁腸仔飯，仲有飲品，都係＄56，仲有九折，都咪話唔抵，一個人真係未必食得晒網上落單，一去到就有得拎，真正快、靚、正！！雜扒內有豬扒，雞扒，牛扒，司華力腸，啱晒食肉獸，驚唔夠飽咩，仲有細細既茄汁腸仔飯，加上杯冰凍既可樂，真係一大享受

咁多年都好鐘意食大快活既早餐 又抵食又大份量❣️🦥最鐘意就係佢既阿活炒滑蛋仲有最鐘意係炒蛋加花生醬麵包💙🤩呢個價錢食到咁既滑蛋都算係咁！ $27咋 用app提早落單仲有9折！又唔洗等～

唔知點解，炸髀既出現率總係比油髀高好多。身爲油髀愛好者我尋遍全天水圍，終於係大快活搵到好味既油髀。呢個西多士油髀紅豆冰餐我次次都叫，個油髀好入味，但肉就其實唔係好夠滑，如果再改善下就好。西多熱辣辣脆卜卜，加牛油煉奶無得輸啦！再配埋個紅豆冰真係無得彈！個餐40蚊，下午茶黎講就略嫌貴左少少，但爲了油髀我都無辦法。另外有個餐33蚊就無西多，得油髀同紅豆冰，但我覺得為左省7蚊無左個西多又唔抵丫，一於就食鬼哂佢啦

講起話去到快餐店例如大家樂大快活食晚餐 ，可能好多人都會好抗拒 ，覺得辛苦咗一日，點解要食到咁頹呢 ，咁其實大快活嘅晚餐呀，我覺得係做得唔錯 ，有小菜有打邊爐有碟頭飯今日就食咗呢個雜扒鐵板餐，埋單都係55蚊， 咁就一塊牛扒一隻雞脾一條司華力腸，加多兜相當大碗嘅蕃茄肉醬飯，餐飲仲有杯可樂添男人老狗都食得好飽，絕對係夠食有突，味道都唔差， 性價比好高而家屋企買餸煮飯，想食得好啲都唔止50幾蚊架，間唔中出嚟食下都唔差

今日難得放假湊我個小寶寶放學去畫畫，有一個小時時間等落堂，咁就去左天一商場大快活食返個下午茶，由於我太耐冇食過大快活，睇到餐牌上面嘅選擇都幾多，但係價格方面亦都有好多選擇～咁我就揀左最平既$25一個餐～有一個厚多士配煉奶同花生醬，一條脆皮腸， 一個雪菜肉絲米粉，厚多士幾好唔錯，我見係即烘，如果厚多士唔熱真係好難食，可能人少關係唔會整定，脆皮腸一般，雪菜肉絲米份量亦都唔少，我飲熱飲所以唔洗加錢，如果下午茶黎講佢都算平又抵食～