見城日本料理 (已結業)

呢期放暑假无野做，加上出左粮，心思思找揾野食。今日就叫埋个frd，拣左尖沙咀棉登径见城试下。去到刚好十二点，招牌刚亮，我地系开店第二个顾客。一入到去，三位师傅同三位女侍应即刻同我地打招呼，好有礼貌。坐低点左两客自选寿司定食，女侍应见我地唔识睇日文餐牌就逐一解释，招呼周到。前菜有到蒸蛋，滑而不，用系暖肚一流。自选寿司八件加一款卷物，都几抵。最正既系中拖罗、海胆同赤身吞拿鱼，拖罗虽然有根，但都几算大块，食落有口感富层次，有外面个层慢慢焀到入面先吞，好滋味。海胆唔算大旧，但食落唔腥有d浆口，紫菜唔会散开，唔错。吞拿鱼我最后先食，食落就知系日本货，系同香港其他寿司店有明显分别，鱼味浓好多。令人意外既唔止吞拿鱼，仲有寿司饭，虽然饭既分量比较不多，但异常地有咬口，种感觉就好似食紧迷你像皮糖咁，真系好好味。个师傅话只米系特别沟出黎ge，不设散卖，不过佢话如果想揾好食ge日本米,可以上网search下香港精米所wo。饭后有面鼓汤同甜品,我就简左绿茶雪糕，味道不过不失。除返开人每人190﹐就食到咁多野，真系抵到烂。