犀牛犀牛 (康怡廣場北座) (已結業)

行下行下，去咗太古城，見到有間得企位的，平日仲有下午茶。今日星期六就得返跟餐，叫食物可以加錢飲品$10/$20，可以加錢甜品$20/$30，可以加錢薯條combo。簡單叫了最愛的芋泥肉鬆吐司加哈密瓜升級燕麥奶，唔太甜都ok，本人唔太飲得鮮奶，所以覺得好過出面好多搖茶店，通常冇得揀。另外朋友叫了韓式牛肉捲餅追加芝士同大甲芋頭鮮奶，個餅好多汁，好正。芋奶其實係必點的，不過我今日唔飲了。下次可以試埋芋圓甜湯，加$30。