姨婆瑪麗 (已結業)

老实讲，姨婆玛丽呢个舖头名称的确系有啲怪，第一次听到𠮶阵仲以为会系一啲新派到唔新派嘅前卫菜式，但其实里面卖嘅都系啲好正常嘅嘢，一啲都唔怪，而车仔面更加系主打。至于𠮶啲「辣死你妈」同「辣死你姨妈」，其实都只系想玩吓嘢，想表达「好辣」咁嘅意思。猴子点咗个四𩠌车仔面，油面配怡保鸡汤底，材料有炸鱼蛋、猪软骨、猪红，同埋饺子，饮品方面就叫咗豆浆。同其他车仔面比较起嚟，姨婆玛丽系偏向清淡，唔似得其他车仔面档咁油腻。不过佢嘅油面就同一般用开𠮶种黄色嘅唔同，口感上冇咁弹，食落亦淡味啲。至于豆浆就系独立封装，干净卫生，饮落都觉得滑啲。另外值系一提嘅系佢哋够环保，点菜纸系一张过咗胶嘅A4纸，用颜色笔点菜，由于系胶面，所以可以循环再用。