Bâtard (已結業)

近期西营盘多咗好多有特色嘅餐厅，托友人嘅福，今次有机会一试打电话落booking 打到颠嘅法国菜餐厅Batard。Batard整间餐厅装修都系行Fine Dine路线，而今次食物部分就选择咗set+ a la carte menu上嘅Angel hair同苹果批。首先卖相类似春卷嘅Beef tartare食落有啲似食紧拖罗蓉咁，都几特别。之后个angel hair系好食嘅，面质食落爽口，配埋鱼子酱同松露油啖啖都有香味喺口中弥漫。第三道嘅tomato tart亦好好食，个酥皮做得好香脆，唔会太过油。紧接住嘅scallop rouelle，个人觉得比较似墨鱼滑，唔系太食得出带子味，但整个味道系OK嘅。主菜个烤鸡好入味，个皮都算几脆，味道几似炸子鸡。最后甜品部分嘅Madeleines 外脆内软，而苹果批个酥皮出色，够薄够脆，唔错。整体嚟讲食物质素非常唔错，只系实在好难book，想食嘅朋友要有心理准备打几百次电话先book到。