大滾友火鍋 (美新大廈)

🐓我地叫左个花胶鸡汤锅（半只）（$328），见到鸡肉同花胶又靓又新鲜，而且份量好多，职员在你面前倒汤，d香味出哂来。个汤香浓鲜甜，鸡肉大大只而且嫩滑，花胶虽然睇落厚身，但煮完之后好易咬开，食到唔少胶原蛋白落肚。🤘🏻🐂大滚友牛肉拼盘（细）（$428），总共有7个牛的部位，睇到牛的颜色同纹落相当靓，食落肚牛的香气满满，牛的肥瘦适中，煮唔需要耐，大约30秒就可以食到鲜嫩的牛肉。🤙🏻🐖必点！伊比利亚橡果猪（$228），食猪竟然可以食到牛的层次，纹路颜色同新鲜牛差唔多，食落系牛的质感但猪的香味，正！🤤🐚澳洲带子片（$98），一碟份量有8-10块，带子厚肉，落靓汤底食真系一流。🥰🦐手打蟹子鲜虾丸4粒（$72）虾丸鲜味弹牙，呢度好多特色丸，不过多系墨丸，虾丸就大路d，下次会试下d特色墨丸。🥗大滚友杂菜拼盘（$118）相当大份的杂菜篮，有3-4款菜，仲有特色准山条、莴笋条等等，当然唔少得蕃茄、粟米、金菇、木耳，蔬菜新鲜，食完咁多肉食平衡番。👍🏻另外一题，餐厅环境阔落舒适，好多大枱，8-10人都坐得落，好适合大班人一齐去食餐好，庆功庆生等等。