Dodam Chicken (利舞臺廣場)

营业中

休息中

本身舖头好宽敞，好适合一大班人聚会，而今次同朋友坐嘅卡位亦都好阔落。本身店员好nice，会过来主动介绍菜色, 又会主动同我地倾计，好少会撞到咁好倾嘅店员。今次同朋友就叫咗部队锅、蜂蜜牛油蒜味炸鸡同鱼糕汤。部队锅咁冻嘅天气就最适合食部队锅，本身部队锅都好足料，有肠仔、火腿、泡菜、金菇、拉面、年糕同芝士，但本身唔算好食得辣，一开始都有啲惊个汤底会太辣，但食落又发现啱啱好！个汤底浓郁得嚟又唔会话太咸同太辣，但又有泡菜嘅酸味，好好食！蜂蜜牛油蒜味炸鸡本身有得拣炸鸡有骨定冇骨已经好surprise，唔系间间食韩国嘢嘅都会有得咁拣。而本身炸鸡个皮炸得好松脆，唔会话系硬柴柴，里面啲鸡肉好滑，再加上蜂蜜嘅甜味同牛油蒜味的香味，真系无得顶！再附送埋好爽口嘅腌萝卜，好啱食到有啲腻嘅时候食一两粒去解腻。鱼糕汤汤底清新得来亦会饮到昆布嘅味道，以为呢个鱼糕汤都会好似平时韩国食到嘅只系得鱼糕同萝卜，点知呢个鱼糕汤劲多𩠌，又有蛋又有冬菇又有好多款唔同嘅都系用鱼浆整嘅丸子，真系别有一番风味。