茶木‧台式休閒餐廳 (PopCorn 1)

营业中

休息中

当日晚饭后已经食到饱饱！但系成班小朋友出嚟玩又唔愿走，又想食吓甜品，又想揾地方切下蛋糕，但系间间都已经截晒单闩门啦！同埋原来将军澳呢边可以坐低食甜品嘅地方唔系太多，有可能我哋唔知🤔 上网揾到茶木！开头仲惊住临收工先去，仲要只系食甜品，仲要成班细路会俾人黑面！点不知呢度啲姐姐哥哥，态度都好好，冇嫌佢哋嘈，我哋又要餐具又要纸巾有跌晒啲餐具落地咁⋯都冇嫌弃我哋都系讲返食物先，第一时间梗系食咗signature 嘅雪糕吐司盒同埋芋圆啦🍧我哋用佢嚟当生日蛋糕切，即系啱晒！小朋友钟意食，大朋友都好钟意食☺️个吐司盒卖相靓靓唔使讲啦，满满嘅朱古力酱，士多啤梨，仲有棉花糖！小朋友争住食！里面嘅吐司仲好细心咁样切到一粒粒， 而每一粒都焗到脆卜卜，外脆内软，一啖一粒，好好味！仲有个芋圆烟烟韧韧又唔会太甜，唔错唔错