為食恐龍‧恐龍先生

营业中

休息中

提早食圣诞餐，睇食评唔错，同小朋友睇完灯饰就嚟食。Book位的时候，职员已问有冇小朋友，我话有两个，果然有准备，来到见到已放好两张小朋友櫈连两套小朋友餐具。店内有三分一店面都是放玩具、街机、小朋友书、boardgames。枱与枱之间好阔落，小朋友周围跑唔会撞亲。7个人食，食物种类不算多，肉类选择较少，薄饼、意大利饭、意粉就各有几种可以拣。嘢饮就比较多，有多种Fruit punch。食物味道算唔错，质素似Pizza Hut咁差不多。尖沙咀亲子餐厅嚟讲，晚市不算贵，7个人包括2个小朋友人均120元。小朋友边玩边食，玩到唔想走。总括而言，系亲子好去处。