茶舍 (北帝街)

营业中

休息中

收工外卖左土瓜湾北帝街嘅一间新式冰室-茶舍，同老公2人真系食到好满足啊！等外卖时留意到佢地嘅装修同气氛好舒服，落单时店员都几亲切。我叫咗几道菜，其中包括日式特制蒲烧鳗鱼丼饭，咖哩牛腩焗饭，烟三文鱼沙律同浓虾汤。先嚟讲下日式特制蒲烧鳗鱼丼饭，真系好正啊！鳗鱼煮得岩岩好，肉质仲几嫩，蒲烧酱汁嘅香甜味道好搭鳗鱼，真系好味。啲饭都煮得岩岩，食落有口感。如果你系鳗鱼爱好者，真系唔可以错过。咖哩牛腩焗饭焗得非常出色，咖哩味估唔到咁浓郁，牛腩肉煮得好软冧，焗饭上面嘅芝士令整个饭更丰富邪恶。如果你平时食开咖哩，一定要试下佢地嘅咖哩。烟三文鱼沙律系一道清新嘅开胃菜，三文鱼烟好唔错亦唔会太咸，配上新鲜嘅生菜同埋沙律酱，真系好开胃。成日去街食都要食下菜保持健康，呢个会系一个好嘅选择。最后，虾汤一入口几鲜甜，汤底浓郁，有浓浓嘅虾味，令人食完之后都暖好饱足。茶舍系一个好就脚既新颖港式餐厅，位于土瓜湾美食街-北帝街既街头，座位设计舒服，食物都非常多选择，质素出色。如果你系土瓜湾附近，而又想食亲民款式多啲嘅餐厅，茶舍系一个唔错嘅选择。